Prosiect NUR (Neighbourhoods Using Renewables)
Cymdogaethau yn defnyddio ynni adnewyddadwy – gadewch inni ddefnyddio ynni golau dydd!
A ydych chi’n ei chael hi’n anodd talu costau ynni cynyddol? Rydym ni’n ymchwilio i sut y gallwn ni wneud rhywbeth ynglŷn â hynny.
I gymryd rhan:
Sut mae’n gweithio
Un o’r ffyrdd gorau i leihau biliau yw gyda phaneli solar a batri, ond mae gosod y rhain yn waith costus. Rydym ni’n anelu at ddarparu system fel hon heb unrhyw daliad dechreuol ar gyfer aelwydydd cymwys yng Nghaerdydd a Chasnewydd.
I wneud y defnydd gorau o baneli solar a batris, rydym ni’n awyddus i’w cysylltu nhw â rhwydwaith cymunedol mwy eang gan ddefnyddio meddalwedd arbenigol a fydd yn golygu’r arbedion mwyaf – ‘gorsaf ynni rithwir’ (Virtual Power Plant [VPP]).
Beth yw Prosiect Nur?
Cynllun peilot yw Prosiect NUR sy’n anelu at sefydlu menter gymunedol a fydd yn datblygu’r rhwydwaith hwn.
Rhesymau Dros Gymryd Rhan Nawr
Gwybodaeth am sut y gallech arbed arian gyda phaneli solar
Cynorthwywch wrth gynllunio prosiect er budd eich cymuned
Cymerwch ran mewn rhywbeth arloesol am ddyfodol gwyrddach, tecach]
Ar hyn o bryd, rydym ni ar y cam dichonoldeb:
- Yn ymweld â chartrefi i asesu addasrwydd ar gyfer gosod paneli solar a batris yn y dyfodol.
- Yn casglu barn preswylwyr am y syniad.
- Yn deall sut y gallai hyn weithio orau yng Nghaerdydd a Chasnewydd.
Er mwyn i hyn weithio yn dda fe fydd angen i lawer o aelwydydd ymuno â’r rhwydwaith cymunedol. Fe fyddem ni’n falch iawn o gael gwybod y gallech chi gymryd rhan ynddo.
Yr hyn sy’n digwydd mewn ymweliad â chartref
- Fe fyddwn ni’n edrych ar eich to i weld pa mor addas ydyw ar gyfer gosod paneli, lle ar gyfer batri a chyfarpar trydanol.
- Fe fyddwn ni’n egluro sut y gallai’r prosiect weithio ac yn gwrando ar eich syniadau a’ch pryderon chi.
- Fe fyddwn ni’n cynnig cyngor ar ynni i’ch helpu i leihau eich biliau.
Mae ymweliad yn rhad ac am ddim, heb unrhyw ymrwymiad.
Cysylltwch â: hello@projectnur.cymru